Светската атлетска заедница е во жалост по трагичната смрт на полскиот олимписки натпреварувач Роберт Волски, поранешен скокач во височина, кој почина на 43-годишна возраст по тешка сообраќајна несреќа.
Волски го загуби животот во петокот, на 2 јануари, неколку дена откако беше тешко повреден во сообраќајка што се случи на 26 декември.
Веднаш по несреќата бил итно пренесен во болница со хеликоптер, каде лекарските тимови со денови се бореле за неговиот живот, но, за жал, исходот бил трагичен.
Полската атлетска федерација ја потврди тажната вест со емотивно соопштение:
„Со длабока тага и неизмерна болка ја примивме веста за смртта на Роберт Волски, олимписки учесник во Атина и долгогодишен репрезентативец на Полска во скок во височина. Нека почива во мир.“
