Мрежите мируваат по првите 45 минути на „Паркен“ во Копенхаген. Македонската одбрана одигра дисциплинирано, па може да бидеме задоволни од резултатот, со оглед дека Данска диктираше темпо и имаше повеќе од играта.
Данска имаше 12 обиди кон нашиот гол, од кои четири одеа во рамки на нашиот гол, но Столе Димитриевски беше на висината на задачата, како и целата дефанзива, па може да бидеме задоволни од резултатот 0-0 на полувремето.
Македонија е ориентирана на одбраната, но се чини дека ако сакаме да го решиме мечот во регуларните 90 минути, ќе мора да одиграме нешто и во нападот, бидејќи статистички не се заканивме ниту еднаш кон противничкиот гол.
Данците имаа 71% посед на топката, изведоа и седум корнери наспроти нашите два.
