Вардар официјално го потврди ангажманот на Јован Попзлатанов, втор во овој летен период. Крилниот фудбалер по една година пауза прави камбек во редовите на најтрофејниот македонски клуб.
„Јован Попзлатанов е второто засилување во овој преоден рок и повторно ќе го облече дресот на нашиот најтрофеен клуб. Офанзивниот крилен фудбалер доаѓа од екипата на Македонија ЃП и ќе биде големо засилување за нападот во наредната сезона. Добредојде назад во Вардар“, стои во клупското соопштение објавено на „Фејсбук“.
Попзлатанов во кариерата настапуваше за летонски ФРС, Пелистер и Тетекс. Минатата сезона заврши со учинок од четири гола девет асистенции за Лавовите од Ѓорче Петров и беше значаен во освојувањето на Купот на Македонија.
