Ренџерс е на помалку од 20 минути до пласман во групната фаза во Лигата на шампионите откако поведе со 1-0 на гостувањето кај ПСВ во Ајндховен и има вкупен резултат од 3-2 во двомечот од плејофот.
Шкотскиот гигант со помош на кардиналниот кикс на домашната одбрана и рутинската реализација на Чолак во 60-тата минута се најде на чекор од прекинување на долг пост без фудбал во европската елита.
Играчите на ПСВ се заиграа во опасната зона, Тилман беше упорен и ја украде топката на работ од шестнаесетникот, па му намести лесна завршница на Чолак речиси пред празен гол.
