Звонко Шундовски и Александар Јовиќ повеќе не се дел од ракометниот тим на Еурофарм Пелистер. Според информациите од битолскиот тим, Шундовски си заминал од морални причини, додека Јовиќ бил разрешен од раководството на македонскиот првак.
На местото на двоецот Шундовски-Јовиќ, за предводник од клупата е назначен Бранко Ангеловски.
„РК Еурофарм Пелистер ја известува јавноста дека досегашниот тим-менаџер на екипата, господинот Звонко Шундовски од морални причини се повлекува од клупата на нашиот клуб. Управата на клубот одлучи да го разреши од прв тренер на екипата и господин Александар Јовиќ. Во наредните натпревари до донесување конечна одлука околу изборот на тренер, екипата ќе ја води господинот Бранко Ангеловски. Во оваа прилика РК Еурофарм Пелистер упатува огромна благодарност до господинот Звонко Шундовски и господинот Александар Јовиќ за целиот нивен досегашен придонес за клубот. Под водство на Јовиќ и Шундовски нашиот клуб ја освои титулата во сезоната 2022/23“, стои во соопштението од Еурофарм Пелистер.
