Фудбалските репрезентации на Србија и Албанија се најдоа во иста група во квалификациите за пласман на Светското првенство кое во 2026 година ќе се игра во САД, Канада и Мексико. Пред точно 10 години овие две селекции играа во квалификации за пласман на Европско првенство, а тогаш се случи голем инцидент на мечот во Белград.
Тогаш, за време на мечот кој се играше на стадионот на Партизан, се појави дрон на кој се вееше знаме со таканаречена „голема Албанија“. Се случи мешаница на теренот, гостинските фудбалери го грабаа знамето, потоа беа нападнати и избегаа во соблекувалната, а мечот никогаш не се доигра. Албанија го доби дуелот со службени 3:0 и се пласираше на ЕП 2016 година.
Тој инцидент го „режираше“ Исмаил Морина кој го управуваше дронот. Токму Морина се јави по извлекувањето на групите од квалификациите за пласман на СП 2026.
„Октомври 14, 2014 година. Тоа беше прв пат и како прв пат, непријателската страна требаше да го запамти. Тие сега се демобилисани. Лично, веќе не сум заинтересиран за нив. Ги множам со нула. Нека не брзаат повторно да ме уапсат…“, меѓудругото порача Морина иницијаторот на инцидетот во Белград од пред 10 години.
