Поранешниот фудбалер на Реал Мадрид, Хави Балбоа, го критикуваше однесувањето на Ламин Јамал на првенствениот меч против Атлетико Мадрид. Младиот Шпанец беше заменет, па влезе во конфликт со тренерот Ханси Флик, а тоа предизвика бура од реакции во јавноста.
„Интересно е, зависи за кој клуб игра фудбалерот, некого браниме, а некого осудуваме“, рече Балбоа, подвлекувајќи паралела во критиките кон Винисиус. „Тоа не е во ред. Според мене, ова што го прави Јамал е погрешно“.
Балбоа нагласи дека ова не е изолиран случај, туку однесување со кое фудбалерот покажува фрустрација кога нема да ја добие топката. „Тој е на опасен пат и некој мора тоа да му го каже“, вели поранешниот фудбалер на Реал Мадрид.
