Некогашниот фудбалски репрезентативец на Замбија, Филемон Мулала, почина на 60 години и тоа откако бил нападнат од кучињата што ги чувал во сопствениот двор. Трите агресивни кучиња биле немилосрдни кон Мулала, кој не успеал да се одбрани и починал.
Сопругата на Филемон го слушнала гласното лаење на кучињата, но не посветила многу внимание затоа што куќата се наоѓа во близина на прометна улица, па кучињата често лаеле на автомобилите кои поминувале или на пешаците кои биле во близина на куќата.
The 60-year-old man in the North West who was mauled to death by his three dogs on Saturday has been identified as a former Zambia International football star, Philemon Mulala. @RefiloeSeboko reports.
Watch: https://t.co/hBHUWAGGZi pic.twitter.com/8I3lWNp8jR
— Newzroom Afrika (@Newzroom405) January 10, 2023
Кога жената сакала да го пронајде Филемон, таа била шокирана кога го видела телото на својот маж во дворот. За жал, на некогашниот фудбалер му немало спас.
Мулала во кариерата има играно за два големи јужноафрикански клуба – Кајзер чифс и Кејптаун. Во дресот на репрезентацијата на Замбија има одиграно шест меча во кои постигнал три гола, а бил дел и од националниот тим кој во 1984 година триумфира на ЦЕЦАФ, најстариот фудбалски турнир во Африка.