Недум Онуоха, поранешниот играч на Манчестер сити, вели дека не се чувствува безбедно во хаосот што ги зафати Соединетите Американски Држави, а стравува од полицијата.
Онуоха е учесник на протестите во Солт Лејк Сити кои се разгореа по убиството на Џорџ Флојд во Минеаполис.
„Внимавам како се однесувам бидејќи сепак сум спортист, но овде е хаотично. Стравувам од полицијата и не верувам во нивната способност без насилство да воспостават ред“, вели 33-годишниот фудбалер на Реал лејк сити.
Онуоха игра во МЛС-лигата, која е прекината поради корона-вирусот, но и тешко ќе се одигра поради безбедносната ситуација, која ескалираше во САД со масовни протести.
Недум е Нигериец, а професионалната кариера ја почна во Манчестер сити во 2004 година и беше член на популарните Граѓани до 2012 година. По шест години минати во клубот во 2010 година беше испратен во Сандерленд како позајмен играч, а потоа во 2012 година се пресели во Квинс парк ренџерс, сè до преклани, кога замина во САД.
