Поранешниот капитен на Реал Мадрид, Начо Фернандес, изненади многумина со одлуката да потпише за екипата од Саудиска Арабија, Ал-Кадисија. Иако имаше понуди и од други екипи, од Европа и од МЛС-лигата, сепак Шпанецот одлучи да се пресели на Арапскиот Полуостров и да ја прифати богатата понуда од Саудиска Арабија.
Сепак, Начо сега тврди дека не потпишал заради парите во Саудиска Арабија.
„Нема да лажам, тука заработувам многу повеќе отколку во Реал Мадрид. Дали дојдов во Саудиска Арабија само заради парите? Не. Сакав промена во животот и поинакво искуство. Нема да се расправам со никој кој вели дека тука дојдов само поради парите“, вели Начо.
Начо Фернандес оваа сезона одигра 12 натпревари за екипата на Ал-Кадисија, а претходно целата професионална кариера ја мина во редовите на Кралскиот клуб од Мадрид.
