Необичен момент имаше вчера, по завршувањето на берлинското дерби меѓу Унион и Херта, што го добија домаќините со 2:0, а навивачите на постариот прволигаш покажаа дека не сакаат дресови од играчите, туку победи.
Дејви Селке, кој влезе во игра како резерва на Херта, се обиде да ја смири ситуацијата кај бесните навивачи на гостите и му го фрли дресот на еден од лидерите на групата гостински навивачи, кој реагираше неочекувано и веднаш му го врати дресот.
Most striking image from the Berlin derby last night.
Hertha’s Davie Selke throws his shirt to a fan after their 2-0 defeat to Union.
The fan throws it straight back at him. pic.twitter.com/0yiVrK0Szu
— Archie Rhind-Tutt (@archiert1) November 21, 2021
Херта втора сезона по ред е во голема криза и лани се спаси од испаѓање во финишот на првенството, а сега повторно е блиску до опасната зона за испаѓање од Бундеслигата.
Унион Берлин е тазе прволигаш и ова беше само петтото бундеслигашко градско дерби против Херта, а билансот е израмнет со по две победи на двете екипи и едно реми.
