Седум прогнозери со по 10 погодени парa од основните 13 беа најуспешни во четвртото коло на Спортската прогноза на Sport Life и Спортманија. Шестмина од нив имаа прилика да освојат ваучер од 500 денари, колку што носи 11-ка, но поразот на Хетафе од Елче спречи таквo сценарио.
Од шесте прогнозери кои чекаа 11-ка, петмина типуваа на победа на Хетафе, а еден имаше реми. За нивна жал, победи Елче. Триумфот на Елче го прогнозираше Александар М., па и тој дојде до 10-ка и им се приклучи на шестемина коишто имаа десет погодоци по саботните и неделните натпревари.
Во Генералниот пласман на оваа интересна бесплатна игра, по четири кола води Никола Д. со 38 поени, а следуваат Влатко Ѓ. и Ендрит М. со по 37.
Двојките од новото, петто коло, ќе бидат објавени денеска во стандардниот термин од 14 часот.