Португалскиот тренер Абел Фереира ќе си замине од тимот на Палмеирас во Бразил и кариерата ќе ја продолжи во Катар. Според португалските медиуми, Фереира добил неодолива понуда од тимот на Ал-Сад и во иднина ќе седи на клупата на овој тим.
Со прифаќањето на понудата од Ал-Сад, Фереира ќе стане третиот најплатен тренер во историјата и ќе заработува неверојатни 20 милиони евра по сезона. Пред Португалецот ќе останат само двајца тренери, и тоа Диего Симеоне, кој во Атлетико Мадрид добива 34 милиони евра по сезона, и Пеп Гвардиола, кој има договор со Манчестер сити според кој годишно добива 22 милиони евра.
Фереира има 44 години и првата самостојна тренерска работа ја имаше во Брага, а потоа го водеше тимот на ПАОК во Грција. Од 2020 година е на чело на Палмеирас, клуб со кој освои две титули во Бразил, а има трофеи и од Либертадорес купот.
