Едгар Је ќе игра за својата родна земја Гвинеа Бисао откако не доби шанса да настапи за сениорската репрезентавција на Португалија на официјален меч, а со него за африканската земја веројатно ќе игра и Карлос Мане.
Је има 27 години и ги мина сите младински селекции на Португалија, а за оваа селекција беше и стрелец на првиот гол против Македонија на младинското Европско првенство во Полска пред четири години.
Тогаш Португалците не победија со 4:2, а голеадата ја отвори токму Је со гол во втората минута.
Дефанзивецот има одиграно еден натпревар и за сениорската селекција на Португалија, но на пријателски и неофицијален меч против Саудиска Арабија истата 2017 година, па може непречено да настапува за Гвинеа Бисао.
Интересно е што и за него и за Карлос Мане да бидат нови репрезентативци најмногу придонел таткото на Ансу Фати, кој е роден во Гвинеа Бисао, но игра за Шпанија.