Португалија ја победи Турција и ja чека храбрата Македонија на 29 март за пат во Катар (Видео)

Македонија, Португалија и Велс ѝ се приклучија на Полска како финалисти во бараж-системот на ФИФА за настап на Мундијалот во Катар, а драматично е во Солна, каде што Шведска и Чешка ќе играат продолженија од двапати по 15 минути откако во регуларните 90 минути немаше голови.

Македонија направи подвиг и ја победи Италија со 1:0 во Палермо и ќе ѝ гостува на Португалија во Порто на 29 март, во нокаут-меч за настап на Светското првенство во ноември и декември годинава.

Португалците вечерва ја победија Турција со 3:1, и тоа со многу среќа откако Јилмаз промаши пенал во 85-тата минута за 2:2.

Отавио, Жота и Нуњес погодија за домаќинот, доволно за пласман во завршниот бараж-меч против Македонија на 29 март на „Драгао“ во Порто.

Со идентична победа од 2:1 против Австрија, и Велс ќе игра финале, а Змејовите дотаму ги донесе извонредниот Герет Бејл со два гола.

Првиот беше еврогол од слободен удар во 25-тата минута, а вториот исто така одличен во 51-вата минута.

WHAT A GOAL FROM GARETH BALE pic.twitter.com/NvOWxmCcOm

— Felix (@CFCFeIix) March 24, 2022

Бен Дејвис си даде автогол во 65-тата минута, но тоа е слаба утеха за Австријците, кои испаднаа и нема да играат во Катар.

https://twitter.com/madridistatvYT/status/1507100161994022916?s=20&t=uRlv_WkvkMko61nlJ69VBg

Во Солна, Шведска и Чешка одиграа без голови во регуларниот дел и таму ќе има продолженија.

Полска без игра е во финалниот бараж по елиминацијата на Русија од страна на ФИФА, а мечот меѓу Шкотска и Украина треба да се игра во јуни.