Еден од столбовите во одбраната на Португалија, Пепе, нема да игра на двата меча за националниот тим против Србија и Литванија во септемврискиот термин од квалификациите за ЕП 2020. Искусниот стопер на Порто се повреди на дуелот против Гимараиш, кога мораше и предвреме да го напушти теренот.
По направените лекарски контроли, било констатирано дека Пепе мора да мирува, па затоа не е на списокот на селекторот Фернандо Сантош. На местото на Пепе е повикан младиот дефанзивец на Бенфика, Франциско Фереира Феро. Тоа е играч кој ги помина сите младински категории на националниот тим, но уште нема дебитирано за сениорите.
По два меча во квалификациите, Португалија има две нерешени, додека Србија од три меча е со четири бода. Дуелот во Белград се игра на 7 септември.
