Португалија ја победи Хрватска со 4-1, а триумфот можеше да биде уште многу поубедлив ако не беше толку расположен голманот Ливаковиќ, особено во првото полувреме.
Португалците имаа над 20 шута (речиси половина беа во рамките на голот) кон голот на Хрватите кои воопшто не личеа на тим кој пред неполни две години играше финале на Светско првенство. Се покажа дека без Модриќ и Ракитиќ, Коцкестите се просечна селекција, а Португалците потврдија дека и без Кристијано Роналдо може да бидат многу опасни. Хрватите погодија во 90-та минута за 1-3, но во финишот примија уште еден погодок.
Во Лига А од Лигата на нации, Франција со гол на Мбапе од „мртов агол“ победи 1-0 и освои три бода на гостувањето кај Шведска, а Белгија и ослабена беше пресилна за Данска. Ѓаволите победија 2-0.
Најубавиот гол на „Драгао“ беше првиот, во изведба на бекот Жоао Кансело:
https://www.youtube.com/watch?v=FOlBw29sjos
