Португалија првпат во својата историја стана светски шампион во фудбал за играчи до 17 години. Португалците го добија финалето против Австрија со минимални 1-0 на Мундијалот што се одржа во Катар. Со ова земјата ја надополни светската круна со У17 категоријата, додавајќи ја кон двете титули од У20 Мундијалите во 1989 и 1991 година.
Победничкиот гол беше постигнат во 32-рата минута, кога Анисио Кабрал лесно реализира од одлична позиција по асистенција на Дуарте Куња.
Австрија имаше сериозна шанса во 86-тата минута, кога Даниел Фраушер шутираше ниско, но топката ја погоди стативата.
Претходно во текот на денот, Италија гo освои бронзениoт медал откако со 4-2 на пенали го совлада Бразил. Регуларниот дел заврши без голови, иако Бразил од 14-тата минута играше со фудбалер помалку по црвениот картон на Витор Тешеира.
