Португалија остана непоразена на гостувањето кај Италија, откако на средбата на „Џузепе Меаца“ немаше ниту еден погодок. Со освоениот бод, Португалија и дефинитивно го обезбеди првото место во својата група и ќе игра во полуфиналето за разигрување и пласман на Европското првенство во 2020 година.
Иако во сите три мечеви Португалија беше без најдобриот играч, Кристијано Роналдо, со седум бодови, сигурно е прва и последниот меч против Полска ќе биде само за престиж.
Шкотска убедливо со 4:0 ја победи Албанија на гости и сега во последното коло, во директен дуел против Израел ќе решава за победникот во групата од Ц сегментот. Во истиот овој ранг, Романија со 3:0 ја победи Литванија.И покрај овој триумф, Романија е позади Србија во групата и тешко дека ќе стигне до посакуваното прво место.
