Кристијано Роналдо ја освои наградата „Најдобар фудбалер на сите времиња“ на доделувањето на наградите на Португалската лига.
Лигата во соопштението наведува дека 40-годишниот напаѓач на Ал-Наср „дефинирал една ера и оставил неизбришлив белег во светскиот фудбал“.
Роналдо е петкратен освојувач на Златната топка и најдобар стрелец во историјата на фудбалот, со 943 гола. Тој не присуствуваше на церемонијата во Порто вечерва, туку имаше видео обраќање во кое им се заблагодари на сите соиграчи и тренери кои му помогнале да стане уште подобар.
