Штом кажува „убиецот на кралеви“, тогаш не е далеку од вистината. Лидс јунајтед вечерва гостува на „Емирати“ каде што против фаворизираниот Арсенал ќе ги одмери силите во третото коло од ФА купот. Во пресрет на тој меч, за „Би-би-си спорт“ говореше данскиот актер Николај Костер-Волдо, или познат како Џејми Ланистер од мегапопуларната ТВ серија „Игра на тронови“, кој инаку е страствен фан на Лидс.
Познатиот актер ја спореди серијата со англискиот второлигаш, додека во Марсело Бијелса гледа како спасител на клубот.
„Игра на тронови и Лидс имаат доста заеднички работи – драма, интрига, љубов, порази и борби за тронот. На навивачите ширум светот Лидс им е во крвта, како да е некој вирус. Љубовта кон овој клуб се роди кога пристигнав во Англија во раните 90-ти години. Првиот пат кога гледав натпревар на „Еланд роуд“ и кога слушнав како навивачите грмат, знаев дека тоа е тоа. А, претходно сакав да бидам навивач на Арсенал, како татко ми. Иако во изминативе децении Лидс трпи доста падови и промени, мислам дека конечно се појави новиот „крал на Северот“. Се чувствува во воздухот. Најдобриот тренер на светот дојде да ни го спаси клубот. Бијелса е тој“, истакна Николај.
Мечот кој ќе се игра во Лондон е закажан за 20:56 часот.
Marcelo Bielsa – King of the North.#GameOfThrones star @nikolajcw really loves @LUFC#bbcfootball pic.twitter.com/yOddUfmZiP
— BBC Sport (@BBCSport) January 6, 2020
