Денеска во Букурешт е тажно и тивко, Романија се простува од својот најголем тренер и еден од најтрофејните во историјата на фудбалот (повеќе трофеи од него имаат само Алекс Фергусон и Пеп Гвардиола), Мирчеа Луческу. Тој шест децении му посвети на фудбалот, и затоа беше многу ценет во целиот свет.
Погребната поворка на „Ил Луче“ отпатува од црквата „Света Елефтерија“ до гробиштата Белу. Ковчегот со телото на Луческу кој вчера беше изложен на националната арена во Букурешт, и денеска за време на црквената служба и комеморацијата беше обвиен со романското знаме.
Луческу почина на 7-ми април, на 80-годишна возраст. Тој на 26-ти март ја водеше Романија на баражот за СП против Турција, три дена подоцна му се влоши состојбата, имаше срцеви удари и заврши во болница каде и почина.
