Репрезентативецот на Гана, Мохамед Кудус, вчера даде гол за Ајакс во победата над Спарта Ротердам, а потоа имаше посебна прослава. Кудус погоди од слободен удар, а веднаш потоа го соблече дресот, под кој имаше маица на која пишуваше „Почивај во мир Атсу“.
Јасно е дека Кудус не го заборави својот пријател кој загина во разорниот земјотрес во Турција. Атсу беше затрупан под една од илјадниците згради кои се урнаа во земјотресот. Неколку часа пред да биде земјотресот, Атсу даде гол за победа на својот тим, Хатај, и тоа од слободен удар, како што вчера погоди Кудус.
Откако Кудус го соблече дресот по прославата на голот против Спарта, главниот судија на дуелот, Пол ван Бекел, направи убав гест. Арбитерот дојде до Кудус, го прегрна и му прости за тоа што го соблекол дресот без да му го даде задолжителниот жолт картон за вакви ситуации.
„Судијата ми пријде и ми рече дека не е дозволено да се соблекува дресот, но дека ме разбира затоа што оваа ситуација е поголема од фудбалот“, откри Кудус.
Mohammed Kudus was supposed to receive a yellow card for his tribute to Christian Atsu but referee Pol van Boekel opted not to book him.
Kudus: “The referee told me it’s not allowed [shirt removal] but he understands because this is a bigger situation than football.”
Class
pic.twitter.com/XyDIdqnjdu
— Owuraku Ampofo (@_owurakuampofo) February 19, 2023
