Англискиот тим Астон вила дури 41 година чекаше да заигра во елитната лига на УЕФА, и тоа конечно им успеа сезонава, каде што е дел од групната фаза во Лигата на шампионите.
Не само што игра во ЛШ, туку Астон вила е само еден од седумте клубови коишто имаат максимални шест бода по првите две кола. Во првиот меч, тимот од Бирмингам убедливо со 3:0 славеше над Јанг бојс, а потоа пред своите навивачи го изненади и Баерн Минхен.
Германскиот гигант беше голем фаворит, но Астон вила со погодокот на Џон Дуран стигна до победа од 1:0. За Баерн Минхен ова беше прв пораз во групна фаза од ЛШ по пауза дури од седум сезони. За Дуран ова е петти погодок сезонава, а беше постигнат на спектакуларен начин, кога од далечина го матираше Мануел Нојер.
Jhon Durán scores a MASSIVE winning goal for Aston Villa against Bayern Munich 🫡‼️ pic.twitter.com/6jSewz6X53
— Central ShowTime (@CentralShowTime) October 3, 2024
Токму по тој меч, челниците на Астон вила решија да реагираат и на Дуран му дадоа нов договор кој го обврзува да остане во тимот од Бирмингам до јуни 2030 година. Дуран е колумбиски репрезентативец кој дојде во Астон вила во јануари 2023 година, и тоа од тимот на Чикаго фајр од американската МЛС.
Jhon Durán. 2030. Aston Villa. pic.twitter.com/Q2HAoFuIV5
— Aston Villa (@AVFCOfficial) October 7, 2024
