Потегот на Меси кој го воодушеви светот: Одмавна со рака и му ја остави лентата на Отаменди (Видео)

Аргентина со минимални 1-0 го совлада Парагвај и со максимален ефект од три победи на три натпревари останува лидер во јужноамериканските квалификации за Светсото првенство во 2026-тата година.

Лионел Меси на овој натпревар не беше стартер, поради повредата која ја заработи во МЛС лигата и паузата која ја имаше, но во игра влезе во 53-тата минута на местото на Алварес. Капитенската лента на овој натпревар ја носеше Николас Отаменди, кој беше и стрелец на единствениот погодок на мечот.

Во моментите кога Меси се подготвуваше да влезе во игра, Отаменди тргна да му ја предаде капитенската лента, но Меси само одмавна со раката и го остави колегата да биде капитен. Сепак, Отаменди кој на своето тело има две тетоважи од најдобриот светски фудбалер, во продолжение на мечот му ја предаде капитенска лента на Меси.

ПОВРЗАНИ ВЕСТИ

- Оглас -

Најнови вести