Шведскиот фудбалер со македонско потекло, Дејан Кулушевски, воодушеви со игрите во дресот на Парма, па тоа не остана незабележано од многу големи клубови и Јувентус го купи за 35 милиони евра, а трансферот во Јуве на нашинецот му донесе и зголемена популарност. Кулушевски до крајот на сезонава ќе игра за Парма, викендов има меч со Аталанта чиј член беше до пред некој ден, а по завршувањето на сезоната ќе го облече дресот на најтрофејниот италијански клуб.
Но, самиот потпис за Јуве и големите очекувања од него во иднина, го направија Кулушевски многу попопуларен отколку досега. Пред да потпише за Старата дама, Дејан на Инстаграм имаше 57.000 следбеници, а сега за само два дена после потписот за Јуве, веќе има речиси 150.000. А, бројката расте од час во час.
