Младиот фудбалер на репрезентацијата на Шпанија, Гави, заработи тешка повреда на квалификацискиот натпревар против Грузија и мораше да биде заменет во 26-тата минута. Според првичните прегледи, се работи за повреда на лигаментите на коленото, а тоа значи дека фудбалерот на Барселона ќе паузира околу осум месеца.
Доколку и деталните прегледи го покажат тоа, би значело дека оваа сезона за Гави заврши, а нема да го гледаме ниту на Европското првенство во Германија.
„Разбирам сè и ова е тежок момент за Гави и за Барселона, но и за репрезентацијата. Разочарани сме, атмосферата во соблекувалната е како да сме изгубиле, како на бдеење. Им реков на играчите дека мора да се размрдаат, но и со скршено срце мора да тргнеме напред во знак на поддршка за повредениот соиграч. Ова е најтешкиот и најгорчливиот момент во мојата кариера. Сочуство за Барселона“, рече селекторот на Шпанија, Луис де ла Фуенте, по натпреварот со Грузија.
https://twitter.com/angrygavi/status/1726348585573429275?ref_src=twsrc%5Etfw%7Ctwcamp%5Etweetembed%7Ctwterm%5E1726348585573429275%7Ctwgr%5E9441090f0bbe10dd24ff975fc268158f68876c09%7Ctwcon%5Es1_c10&ref_url=https%3A%2F%2Fsportsport.ba%2Ffudbal%2Fgavi-spanija-barcelona-ligamenti%2F463017
