Откако се комплетираше втората групна фаза на Светското првенство во Хрватска, Данска и Норвешка, познат е конечниот пласман на екипите од деветтото до 24-тото место. Најдобрите осум екипи ќе разигруваат во четвртфиналето, додека осумте најслаби кои играа во Президент купот ќе играат за пласман од 25-тото до 32-рото место.
Македонија и официјално на Светското првенство заврши како 15-та ракометна сила, што е подобрување на пласманот од претходното првенство, кога завршивме на 27-мото место. Сепак, 15-тото место е далеку од нашиот најдобар пласман, деветтото место на Светското првенство во Катар во 2009 година.
Пет европски селекции оставаме позади себе, а помеѓу нив е и двократниот светски шампион Шпанија, додека останатите се Австрија, Чешка, Италија и Полска.
Конечен пласман на екипите од деветтото до 24-тото место:
9. Исланд
10. Норвешка
11. Швајцарија
12. Холандија
13. Словенија
14. Шведска
15. Македонија
16. Италија
17. Австрија
18. Шпанија
19. Чешка
20. Аргентина
21. Катар
22. Тунис
23. Зеленортска република
24. Чиле
Дури девет репрезентации кои на минатотот Светско првенство имаа подобар пласман од нас, сега се позади Македонија. Три од нив се европски, бронзената Шпанија, како и Полска, но и Чиле, Зеленортската република, Катар, САД, Аргентина и Бахреин.
