Од таборот на Вилјареал потврдија дека комитетот на Ла Лига го повлече жолтиот картон кој Херар Морено го заработи изминатиот викенд во натпреварот против Атлетко Мадрид.
El Comité de Competición estima el recurso presentado por el Villarreal y retira la tarjeta amarilla a @GerardMoreno9 en el Cívitas Metropolitano.#AtletiVillarreal pic.twitter.com/dERu6St1vM
— Villarreal CF (@VillarrealCF) August 24, 2022
Шпанскиот голгетер по постигнувањето на голот за 2-0 во корист на Вилјареал во финишот од мечот, тргна кон трибината каде што имаше навивачи на Јорганџиите да прослави, по што неговата гримаса беше сфатена како провокација. На тоа реагираше Јан Облак, по што настана мешаница, додека Морено цело време повторуваше „не, не“, нагласувајќи дека не провоцира.
Фудбалерот на Жолтата подморница се изјасни јавно дека гримасата ја прави извесен период, и тоа поради ќерка му кога го гледа на ТВ. И комитетот се согласи на фактот дека немаше никаква намера, односно има докази дека Морено и во минатото на тој начин ги прославувал погодоците за тимот на Унај Емери.
