Македонскиот репрезентативец Висар Муслиу доживеа непријатен момент на самиот почеток од гостувањето на Сент Труден кај Вестерло, кое заврши со убедлив триумф од 0-4. По само пет минути игра, Муслиу седна на тревникот и побара замена, најавувајќи дека не може да го продолжи мечот.
Засега не се знае сериозноста на повредата, но таа доаѓа во исклучително критичен период за македонската репрезентација, која во март ќе го игра клучниот плеј-оф против Данска за место на Светското првенство 2026.
Годинава, Муслиу се истакнува како еден од столбовите на тимот на Сент Труден, па неговото отсуство може да има големо влијание и на клубот и на националниот тим.
