Македонскиот репрезентативец Дарко Чурлинов се опорави од повредата и по пауза од повеќе од 100 дена настапи на официјален натпревар во дресот на Барнли.
Чурлинов влезе во игра во финишот од мечот од 22-то коло од чемпионшип дивизијата меѓу КПР и Барнли во кој неговиот тим славеше со 0:3.
Македонецот доби шанса во 89-та минута влегувајќи на местото на Корк, во моменти кога победникот беше веќе решен.
Чурлинов досега настапи на четири натпревари за Барнли, но поради повреда на бутниот мускул, три и пол месеци беше надвор од тимот.
Во последните десетина дена, Чурлинов на тренинзите работеше со максимален напор и тренерот Венсан Компани денеска му даде шанса да ги одигра првите минути по долгата пауза.
