Повредите продолжуваат да го десеткуваат Реал Мадрид. Дури тројца нови фудбалери на Реал заработија повреди на денешниот меч против Осасуна на „Сантијаго Бернабеу“.
Родриго, Лукас Васкес и Милитао принудно излегоа од теренот, а најтешко мина Бразилецот Милитао кој беше изнесен на носилки и речиси сигурно има посериозна повреда на коленото.
Родриго се врати во стартниот тим на Анчелоти, но уште во 20-та минута, Бразилецот мораше да го напушти теренот поради повреда. Набргу потоа, Едер Милитао исто така се повреди, а на теренот влезе младинецот Раул Асенсио, за кого ова е дебитантски настап.
По ова и Лукас Васкес почувствува болки и мораше да биде заменет на полувремето.
