Муралот изработен од уметникот ТВ Бој посветен на Ламин Јамал во една населба во Барселона, по вторпат е вандализиран, но сега не го ишкртаа како минатиот пат, туку на „суперменот“ од Барса му додадоа седумте џуџиња од приказната за „Снежана и седумте џуџиња“.
Еве како треба да изгледа муралот:
Сега околу Јамал се 7 џуџиња, а причината е јасна, организации за правата на луѓе со проблеми во растот негодуваа што на забавата по повод 18-тиот роденден на фудбалерот на Барса и шпанската репрезентација, имало поканети и џуџиња, наводно за да „придонесат“ журката да биде „поинтересна“. Тие го сметаат потегот за понижувачки за тие луѓе. Автор на додавањето џуџиња е уметникот потпишан како Шредер.
