Светската куќа на фудбалот, ФИФА, го одреди датумот за свечената церемонија на која ќе бидат доделени признанијата за најдобар фудбалер во 2021 година, потоа и фудбалерка, тренери и голмани во двете категории и уште низа награди.
Терминот е 17 јануари идната година, а гласањето ќе почне за десетина дена, односни на 20 ноември и ќе трае до 10 декември.
Покрај главното признание што привлекува најмногу внимание, а тоа е изборот за најдобар фудбалер во 2021 година, има уште низа категории во кои ќе бидат доделени награди.
Двајца најдобри тренери, голман и голманка ќе добијат признанија од ФИФА, а ќе бидат познати и добитниците на наградите за најубав гол, или наградата „Пушкаш“, потоа за ферплеј, за најдобар навивач и ќе бидат прогласени и идеалните тимови за 2021 година во машка и во женска конкуренција.
