Челзи почна да бара главен тренер по отпуштањето на Енцо Мареска, а според англиските медиуми, фаворит за преземање на функцијата е Лиам Росениор од францускиот клуб Стразбур.
Англискиот стручњак кој има 41 година, играчката кариера ја заврши во 2018 година кога играше за Брајтон. Тој е некогашен младински репрезентативец, а како тренер работел само во Дерби каунти (привремено), Хал сити, и Стразбур каде е од 2024.
Вреди да се напомене дека Стразбур и Челзи имаат ист сопственик, а многу од играчите на лондонскиот клуб се испраќаат во францускиот клуб на позајмица за да стекнат пракса.
