Барселона ја декласира Валенсија со 4:1 на „Месталја“, а главна фигура на мечот беше Пјер-Емерик Обамејанг, големото засилување што пристигна оваа зима од Арсенал.
Популарниот Ауба постигна два гола во првото полувреме и е најзаслужен за победата на Барселона.
Обамејанг несакајќи учествуваше и при најубавиот гол на мечот што го постигна Педри за конечни 4:1.
Бисерот на Барселона упати вистински проектил кон голот на Валенсија во 63. минута, а топката го погоди Обамејанг во грбот и заврши зад грбот на Мамардас.
Вистински еврогол на Педри со кој стави печат на убедливата победа на гостите во Валенсија.
#ValenciaBarca
Valencia 1 – 4 BarcelonaGOAL! Pedri ⚽
Follow @IFAST29 To See Goals pic.twitter.com/OPjooFZoVB
— Goals720 (@LIVEHD10802) February 20, 2022
Еден погодок за Барселона постигна и Френки де Јонг, а почесниот гол за Валенсија е дело на Карлос Солер на почетокот на второто полувреме.
Барселона се проби на третото место во Ла Лига со 45 бода, 12 помалку од Реал Мадрид и шест од Севилја.
Валенсија остана на 12. позиција со 30 бода.
