Килијан Мбапе не беше дел од составот на Реал Мадрид на стартот од Светското клупско првенство, а првите неколку дена во САД ги мина во болница во Мајами. Французинот имал стомачни проблеми уште пред тргнуцањето на „кралевите“ за САД, а состојбата му се влошила по пристигнувањето во Северна Америка.
На почетокот сомнежите беа дека се работи за сончев удар, но испитувањата покажале дека Мбапе добил труење од пилешко месо, односно во неговиот организам е пронајдена бактерија која ја има во пилешкото.
Тоа е и причината за наглото слабеење на Французинот, кој изгуби дури шест килограми за само неколку дена.
