По малку повеќе од еден месец од хеликоптерската несреќа во која загина газдата на Лестер, Вишај Шриваданапраба и уште четворица, се дознаа резултатите зошто се случил кобниот пад. Британската агенција за истражување на воздухопловни несреќи ги објави резултатите од истрагата.
Според извештајот, несреќата на хеликоптерот „аугуста AQ 169“, кој се сруши непосредно по полетувањето од стадионот на Лестер и падна на паркингот, е поради откажување на контролата која ги поврзува педалата во кокпитот и роторот на опашот на леталото.
Засега не е познато која е причината за откажувањето на оваа контрола, но откако се случил дефектот, пилотот бил немоќен да направи ништо за да го спречи најлошото.
