Екипите на Мајами хит и Њу Орлеанс пеликанс обезбедија место во НБА плејофот. Тоа се двата последни учесници во овогодинешното разигрување за титулата. Мајами и Њу Орлеанс го искористија домашниот терен и ги победија Чикаго и Сакраменто.
Мајами хит уште во првата четвртина тргна офанзивно против Чикаго, кога со серија од 19:0, негативата од пет разлика брзо ја претворија во предност од 25:11. До крајот на првата четвртина Мајами водеше со 34:17.
На почетокот на втората четвртина Мајами водеше и со 20 разлика (42:22) и до крајот на средбата постојано имаа голема предност за сигурна победа. Во првото коло од плејофот Мајами ќе игра против Бостон, кој регуларниот дел од сезоната ја заврши со најдобар скор во лигата (64 победи и 18 порази).
Њу Орлеанс на свој терен се радуваше против Сакраменто во меч на кој гостите само во првата четвртина даваа отпор. Последен пат Сакраменто водеше со 31:29, а потоа со серија од 9:0 Њу Орлеанс стигна до 38:33.
Потоа домаќините дојдоа до 53:40 и до крајот на дуелот во ниту еден момент не дозволија противниците резултатски да се доближат. Во првото коло од плејофот Њу Орлеанс ќе игра против Оклахома кој има најдобар биланс во Источната конференција со 57 победи и 25 порази.
