Женската ракометна репрезентација на Македонија ги доби противниците во квалификациите за пласман на Европското првенство кое ќе се игра следната година. Нашата репрезентација е во групата 5, каде што се најдоа и селекциите на Шпанија, Литванија и Азербејџан.
Според составот на групата, избраничките на селекторот Љубомир Савевски ќе имаат добра шанса да бидат дел на уште едно големо натпреварување. На континенталниот собир, пласман ќе обезбедат најдобропласираните од сите групи, како и четирите најдобропласирани во оваа квалификациска фаза.
