Тренерите на сите 30 екипи во НБА-лигата ги одбраа кошаркарите кои ќе го комплетираат списокот за олстар-мечот во Кливленд на 20 февруари. Традиционално, играчите во првите петорки ги одбираат навивачите со своите гласови, а потоа останатите седуммина кошаркари во двата состави се по сугестија на тренерите.
Играчите ќе бидат поделени на екипа на Леброн Џејмс (Западна конференција) и екипа на Кевин Дурант (Источна конференција).
Во Западната конференција стартери се: Леброн Џејмс, Никола Јокиќ, Ендрју Вингис, Стеф Кари и Џа Морант. Резерви се: Девин Букер, Лука Дончиќ, Руди Гоберт, Драмонд Грин, Донован Мичел, Крис Пол и Карл-Ентони Таунс.
Во Источната конференција стартери се: Кевин Дурант, Јанис Адетокумбо, Џоел Ембид, Тре Јанг и Демар Дерозен. Резерви се: Џими Батлер, Дариус Гарланд, Џејмс Харден, Зек Лавин, Крис Мидлтон, Џејсон Татум и Фред Ванвлет.
