Франција во стандардна формација 4-2-3-1 ќе се обиде да застане на патот на најголемото изненадување на Светското првенство во Катар, селекцијата на Мароко. Со Жиру во нападот, а со Мбапе, Гризман и Дембеле во офанзивата, Галските петли ќе се обидат да бидат првата европската селекција што ќе ја затресе мрежата на Мароко на овој Мундијал.
Мароко во Катар играше против четири европски репрезентации и од ниедна не прими гол. Прво одигра 0:0 против Хрватска, потоа со 1:0 ја победи Белгија, во двата меча од групната фаза. Во нокаут-фазата, Мароко со Шпанја за 120 минути одигра 0:0, а потоа победи на пенали, а во четвртфиналето со 1:0 ја елиминира и Португалија.
