Македонската фудбалска репрезентација утре ќе има голема поддршка од Фалангата. Најавено е дека околу 1.500 навивачи ќе бидат на стадионот во Вадуц и тие треба да бидат дополнителна сила за Македонија да стигне до победа во првиот меч од квалификациите за СП 2026 година.
Даден е апел фановите да бидат облечени во црни маички и само со шал и знаме да се бодри нашата репрезентација.
Пред стадионот ќе биде поставен и штанд на кој ќе се продаваат специјално изработени црни маички, а собраните средства ќе бидат наменети за семејствата на загинатите во трагедијата во Кочани.
