Ѕвездата на Мемфис гризлис и еден од најдобрите кошаркари на денешницата, Џа Морант, во последните денови се наоѓа во центарот на вниманието на јавноста во САД поради неговите скандалозни испади надвор од терените.
Прво беше откриено дека минатото лето претепал 17-годишно момче на баскет, а потоа му се заканувал во пиштол, минатата недела беше фатен како дивее во стриптиз клуб во Колорадо и притоа мавташе до пиштол.
Мемфис на барање на НБА лигата го суспендира својот најдобар играч, сè до разрешување на случајот, соиграчите му се лути, а сега се појавија нови фотографии од неговото „дивеење“ во стриптиз клубот.
На фотографиите се гледа дека стриптизерка му игра во скут на Морант, а на подот се расфрлани пари. Весникот „Њујорк пост“ ги објави фотографиите и пишува дека Морант таа вечер во стриптиз клубот потрошил 50.000 долари.
Сопственичката на стриптиз клубот, Дебора Данафон, потврди за медиумите дека Морант го посетил нејзиниот локал.
„Беше пол со респект и не пиеше. Не посетувале играчи на Денвер нагетс и на Денвер бронкос (НФЛ тим) кои ги фрлале девојките во соби. Тој не беше таков“, изјави Дебора за „Њујорк пост“.
https://twitter.com/shannonsharpeee/status/1634710539854307328?s=20
Џа Морант со само 23 години се смета за еден од најдобрите кошаркари во НБА лигата, досега настапи на два Олстар натпревари, а сезонава има просек од 27,1 поен по натпревар. Одличните игри, минатото лето му обезбедија нов договор со Мемфис, тежок 231 милион долари за пет години.
