Едно фудбалско правило кое ретко кој го знаеше синоќа го запознаа сите. На мечот Рен – Виљареал од Лигата на Европа на домашниот тим му беше поништен гол за 3-3, кој дури и судијата не забележа дека треба да го поништи.
Многумина беа во шок зошто е поништен погодокот на Французите со кој тие ќе одеа директно во осминафиналето на Лигата на Европа, а вака треба да игра бараж, и тоа против јаки екипи кои беа трети во своите групи во Лигата на шампионите. И финансиски не е сеедно дали си прв или втор, разликата во заработката е двојна.
Што се случи во таа 11-та минута од судиското продолжение?
Ле Фе изведе слободен удар и ја погоди пречката. Топката се одби до него и продолжи акцијата, по што Рен даде гол за голема радост. По интервенција од ВАР-собата, судијата Караоглан од Турција го поништи голот.
Тогаш се дозна дека постои едно за многумина непознато и чудно правило: дека е забрането изведувач на слободен удар повторно да игра со топката ако таа се врати кај него по шутот.
https://twitter.com/i/status/1735398302567563759
