Иван Перишиќ беше еден од најзаслужните што Интер стигна до трофејот во Купот на Италија,откако во драматично финале на „Олимпико“ со 4:2 го победи Јувентус, и тоа по дури 120 минути игра.
По регуларниот дел беше 2:2, а во дополнителните 30 минути, Перишиќ даде два гола и донесе голема радост за Нераѕурите. Иако Хрватот игра одлично, тоа не беше доволно за да остане во Интер.
Неговиот договор завршува на крајот од сезонава, а откако пропаднаа преговорите за продолжување на соработката, денеска стигна веста дека Перишиќ се договорил за трансфер во Челзи.
Chelsea has agreed a deal with Inter’s Perisic as free agent according to Sport Mediaset
— Tancredi Palmeri (@tancredipalmeri) May 13, 2022
Хрватскиот репрезентативец кој има 33 години ги договорил личните услови со тимот од „Стемфорд бриџ“ и во Челзи треба да остане во следните две сезони, со опција за продолжување на договорот на уште една година. Искусниот Перишиќ во кариерата освен за Интер, има играно и во Баерн Минхен, Волфсбург, Борусија Дортмунд, Бриж и Сошо.