Ајакс се најде во ретка ситуација да погреши при продажба на свој фудбалер. На левиот бек Николас Талјафико пред две лета не му дозволуваа да си го исполни сонот и да го облече дресот на Барселона, малку им беа 40 милиони евра.
Две години подоцна, Талјафико е на излезна врата, и тоа за 10 пати пониска цена. Брајтон, Севилја и Лион нудат по 4 милиони евра за аргентинскиот репрезентативец и се чини дека Копјаниците ќе ја прифатат понудата, па ќе го остават играчот да бира каде ќе се пресели.
