Бугарскиот тенисер Григор Димитров се пласира во финалето на турнирот во Женева откако успеа да го победи фаворизираниот Тејлор Фриц. Димитров победи со 2:1 во сетови, и тоа откао го загуби првиот сет со 3:6, успеа да ги добие следните два со 7:5, 7:6, во меч кој траеше речиси три часа.
https://twitter.com/i/status/1662112874964058113
За Димитров ова е прво финале по пауза од повеќе од пет години. Бугарскиот тенисер кој во врвот на кариерата најдобро беше рангиран на третото место на АТП-листата, нема играно финале точно 1.923 дена.
Последната титула Димитров ја освои во 2017 година, а во кариерата има вкупно осум освоени титули. Во финалето во Женева, ќе игра против Николас Јари од Чиле, кој успеа да го изненади Александер Зверев со 7:6, 6:3.
