Бритни Гринер, кошаркарката на Феникс меркјури, е избрана да учествува на олстар-натпреварот во ВНБА-лигата.
Гринер сезонава постигнува по 19,1 поени и 6,4 скокa по натпревар, а ова ќе биде деветти настап на олстар-натпреварите. Годинава ол-стар-натпреварот ќе се одржи на 15 јули во Лас Вегас.
Phoenix Mercury player Brittney Griner to start in WNBA All-Star Game, six months after Russia prison release https://t.co/DS2MmsIuS1
— BBC News (World) (@BBCWorld) June 26, 2023
Гринер ја пропушти минатата сезона во ВНБА-лигата бидејќи помина десет месеци во затвор во Русија.
Таа беше уапсена во февруари минатата година на московскиот аеродром Шереметјево бидејќи во багажот имала патрони за електонски цигари со масло од канабис.
Поради тоа, Гринер беше осуденa на девет години затвор, но на почетокот од декември минатата година беше разменета за рускиот трговец со оружје Виктор Бут.
