Словенија беше подобра од Македонија на претпоследниот тест меч за нашата репрезентација пред настап на ЕП и победи со 33:28.
Домаќините во Словенградец доминираа во текот на целиот меч, а по првото полувреме имаа предност од 7 голови разлика, 19:12 и најавија сигурна победа.
Во продолжението од мечот Словенците одржуваа темпо, а нашите репрезентативци до финишот на мечот не успеваа да ја намалат разликата.
Во финишот ја намаливме негативата од 8 голови разлика и поразот го сведовме на пристојни минус пет.
Македонија ќе игра уште еден подготвителен меч пред почетокот на Европското првенство, на кое во првата фаза по групи ривали ќе ни бидат Украина, Чешка и Австрија.
